SHBA ka akuzuar presidentin e Venezuelës Nicolas Maduro dhe zyrtarë të lartë të vendit për krime të trafikimit të drogës.

Ky veprim, që do të rrisë edhe më tej tensionet mes dy vendeve, është bërë e ditur nga Prokurori i Përgjithshëm William Barr, transmeton portali arbresh.info.

SHBA gjithashtu ofroi një shpërblim prej 15 milionë dollarë për çdo informacion që çon në arrestimin e Z. Maduro.

Ajo e ka akuzuar prej kohësh atë për drejtimin e një regjimi të korruptuar dhe brutal, një akuzë që ai e ka refuzuar vazhdimisht.

Uashingtoni mbështet liderin e opozitës, Juan Guaidó, i cili vitin e kaluar e deklaroi veten president të përkohshëm.

Bashkë me Maduron, aktakuza e SHBA akuzoi gjithashtu katër zyrtarë të tjerë të lartë Venezuelës përfshirë kryetarin e drejtësisë së vendit.

“Populli Venezuelas meriton një qeveri përfaqësuese transparente, të përgjegjshme që i shërben nevojave të njerëzve – dhe kjo nuk …. angazhohet në trafik të paligjshëm të narkotikëve”, tha Departamenti i Shtetit i SHBA në një deklaratë.

“Këta individë shkelën besimin e publikut duke lehtësuar dërgesat e lëndëve narkotike nga Venezuela, përfshirë kontrollin mbi aeroplanët që largohen nga një bazë ajrore e Venezuelës”, shtoi ajo./arbresh.info/